Ավստրալիայի խորհրդարանը հավանություն է տվել օրինագծին, համաձան որի՝ թվային հարթակները պետք է վճարեն ԶԼՄ-ներին իրենց նորությունների համար։ Այս մասին հայտարարել է երկրի գլխավոր գանձնապահ Ջոշ Ֆրայդենբերգը։

Նրա խոսքով՝ մեդիաընկերություններն արդար պարգևատրում կստանան իրենց կոնտենտի համար։ Վերոնշյալ օրինագիծն առաջարկել էր կառավարության ղեկավար Սկոտ Մորիսոնը։

Վարչապետը նշել է, որ օրինագիծը նաև կստեղծի պայմաններ՝ վեճերի կարգավորման արբիտրաժային արդար գործընթացի և բարեխիղճ բանակցությունների անցկացման համար։

Ֆրայդենբերգն անդրադարձել է նաև առաջընթացին, որը ձեռք է բերվել ամերիկյան Google և Facebook ընկերությունների հետ՝ ավստրալական ԶԼՄ-ների հետ կոմերցիոն պայմանավորվածությունների հասնելու հարցում։

Ինչպես ավելի վաղ հայտնել էինք, Facebook-ն Ավստրալիայի բնակիչներին զրկել է լուրերից