Այս իշխանությունն արդեն հոգեվարքի մեջ է, փորձում է ժողովրդին ուղղել բանակի դեմ: Այս մասին, այսօր՝ փետրվարի 25-ին, Ազատության հրապարակում մեկնարկած հանրահավաքի ժամանակ հայտարարեց «Հայրենիքի փրկության շարժման» վարչապետի թեկնածու Վազգեն Մանուկյանը:

«Իր ձեռագիրն է՝ ժողովրդին բժանել հատվածների եւ բախումներ ստեղծել: Դրա համար մեզ պետք է վճռականություն եւ զսպվածություն: Մենք դեռ երկար կանգնած կմնանք, որովհետեւ գործը վերջանում է: Վերջանում է առաջին փուլը, որ մենք պետք է Նիկոլ Փաշինյանին դեն շպրտենք եւ սկսվում է երկրորդ փուլը՝ վերականգնել մեր հայրենիքը:

Ես ողջունում եմ բանակին, այսօր բանակի եւ ժողովրդի միասնության օրն է: Մենք միշտ էինք միասին, բայց այսօր առավել եւս ընդգծվեց դա: Սա հեղաշրջում չի, բանակն ունի սահմանադրական իրավունք նշել մենակարեւոր թշնամուն, որը սպառնում է ամենակարեւոր թշնամուն, որը սպառնում է Հայաստանին: Եվ նա նշեց, ասաց՝ դա Նիկոլ Փաշինյանն է»,-ասաց Մանուկյանը:

Նա կոչ արեց մյուս ուժային կառույցներին միանալ բանակին, նեն նույնանման հայտարարություն, նպաստեն, որ երկիրը նորից ոտքի կանգնեցնեն:

«Ես կոչ եմ անում պատգամավորներին, դուրս եկեք այդ ծուղակից, դուրս եկեք «Իմ քայլը» խմբակցությունից: Ես կոչ եմ անում ժողովրդին հավաքվել այստեղ: Պետք է մենք վերջացնենք այն, ինչը սկսել ենք: Դիմում եմ շրջանների ժողովրդին, տեղերում հանրահավաքներ անեն, գան այստեղ իրենց կարծիքն ասեն: Ինչքան մենք հզոր լինենք, այնքան դժվար կլինի այդ գելագարին բխումներ հրահրել»,-հայտարարեց Վազգեն Մանուկյանը: