Եվրամիությունը մեկնաբանել է Հայաստանի իրավիճակը
Եվրամիությունը ուշադիր հետևում է Հայաստանում տեղի ունեցող իրադարձություններին և կոչ անում բոլոր կողմերին պահպանել զսպվածություն ու հանդարտություն: Այս մասին ասվում է ԵՄ արտաքին քաղաքական ծառայության պաշտոնական ներկայացուցիչ Փիթեր Ստանոյի հայտարարությունում։
«Եվրամիությունն ուշադիր հետևում է Հայաստանում իրավիճակին: Իրադարձությունների բոլոր մասնակիցներին կոչ եմ անում դրսևորել հանգստություն և խուսափել հռետորաբանությունից և գործողություններից, որոնք կարող են հանգեցնել հետագա էսկալացիայի»,- ասված է հայտարարության մեջ:
ԵՄ-ում ընդգծել են, որ քաղաքական բոլոր տարաձայնություններն անհրաժեշտ է լուծել քաղաքական երկխոսության ճանապարհով:
«Ժողովրդավարական և սահմանադրական կարգի պահպանումը միակ միջոցն է, որով Հայաստանը կարող է արդյունավետ արձագանքել մարտահրավերներին»,- ասված է հայտարարության տեքստում:
