«Հայրենիքի փրկության շարժման» ներկայացրած վարչապետի թեկնածուի վերաբերյալ վերջին շրջանում մերձիշխանական լրատվամիջոցները փորձում են ներկայացնել այն, ինչ իրենց հարմար է տվյալ իրավիճակում։ Վազգեն Մանուկյանը եղել է Հայաստանի պաշտպանության նախկին նախարարը՝ Արցախյան պատերազմի ընթացքում՝ 1992-1993 թվականներին, և այդ տարիներին մեր փառապանծ բանակը հաղթանակներ է կերտել։

Մեր անկախ պետության ակունքներում կանգնած Վազգեն Մանուկյանի անվան հետ կապված՝ որևէ քերաօլիգարխիկ պատմություն չկան, ավելին՝ նա, լինելով բարձրաստիճան պաշտոնյա, բիզնեսներ «ետ չի գցել» այն տարիներից։

Meganews.am-ի թղթակիցն այսօր հարցախույզ է անցկացրել հանրահավաքի մասնակիցների շրջանում՝ փորձելով պարզել՝ արդյո՞ք նրանք համարում են, որ ժամանակավոր կառավարության վարչապետը լինելով՝ Վազգեն Մանուկյանը կկարողանա իր փորձով ու գիտելիքներով, հմուտ թիմով թեկուզ այդ կարճ ժամանակամիջոցում մի փոքր ուղղել մեր երկրի կորացած մեջքը, որպեսզի դրանից հետո ընտրություններ լինեն։

Հանրահավաքի մասնակից քարվաճառցի Տաթևը MegaNews.am-ի թղթակցի հետ զրույցում նշեց՝ իր ընտանիքը կորցրել է իր տունը, Արցախի մեծ մասը հանձնվել է թշնամուն, և հիմա լռել չի կարելի․ հարկավոր է պայքարել։ Ըստ նրա՝ այդ պայքարի առանցքում Վազգեն Մանուկյանի դերակատարումը շատ կարևոր է:

«Իմ սիրտը ցավում է, երբ ես հիշում եմ, որ թշնամուն է հանձնվել նաև այն դիրքը, այն խրամատը, որտեղ մարտնչել է իմ եղբայրը և զոհվել․․․ Այսպես այլևս անհնար է շարունակել։ Մենք պետք է մեր երկիրը միասնական ուժերով հանենք այս վիճակից․ Վազգեն Մանուկյանը ճգնաժամային իրավիճակում կարողացել է աշխատել։ Պատմությունը ցույց է տվել, որ Վազգեն Մանուկյանը ժամանակին պատվով է կատարել իր վրա դրված առաքելությունը։ Ես վստահ եմ, որ նրա քաղաքական փորձը, քաղաքական ուղին կարող են օգնել մեզ՝ դուրս գալ այս իրավիճակց», — նշեց Տաթևը։

Նա ընդգծեց՝ Նիկոլ Փաշինյանը շարունակում է իր պառակտիչ գործունեությունը։ «Նա հստակ քայլերով ջանում է ժողովրդին բախման տանել։ Փաշինյանը ևս մեկ անգամ մեր երկիրը, ժողովրդին տանում է արկածախնդրության», — նշեց Տաթևը։

Հանրահավաքի մեկ այլ մասնակից՝ Ամիրան Գալավորյանը շեշտեց՝ Վազգեն Մանուկյանը մեծ ներդրում է ունեցել բանակաշինության գործում, և փաստ է՝ ճգնաժամային իրավիճակում աշխատելու փորձ ունի։

«Վազգեն Մանուկյանը եղել է երրորդ հանրապետության առաջին վարչապետը, անցել է ղարաբաղյան առաջին պատերազմով և մեծ ներդրում է ունեցել բանակաշինության գործում։ Նա կարողացել է երկիրը հանել ճգնաժամից։ Կարծում եմ՝ երկրորդ անգամ էլ կկարողանա և դիմակայել մարտահրավերներին», — նշեց Ամիրան Գալավորյանը։

Հասմիկ Սարգսյան