Նիկոլ Փաշինյանի հրաժարականը պահանջող հանրահավաքների մասնակից Աղվան Պապյանը վստահ է՝ Վազգեն Մանուկյանը կկարողանա ժամանակավոր կառավարության ղեկավարը լինելով՝ պատվով կատարել իր առաքելությունը։

«Որպես պատմաբան, ուսումնասիրելով պատմությունը, կարծում եմ՝ Վազգեն Մանուկյանը կկարողանա երկիրը դուրս բերել այս իրավիճակից․ նա եղել է պաշտպանության նախարար, վարչապետ և այդ ժամանակահատվածում Հայաստանը հասել է լուրջ հաջողությունների։ Եվ, եթե Վազգեն Մանուկյանը գալիք մեկ տարվա ընթացքում վարչապետ լինի, հնարավոր է նաև փոփոխություններ ունենանք։ Որպես լիդեր՝ նա ընդունված է այն մարդկանց կողմից, ովքեր իր հետ ուղի են անցել, ընդունված է նաև ջոկատների, կամավորական խմբավորումների կողմից։ Երևի նա կհասնի հաջողությունների, մինչև ընտրություն լինի, և ձևավորվեն ԱԺ-ն ու Կառավարությունը», — MegaNews.am-ի հետ զրույցում ասաց Աղվան Պապյանը։

Նա ընդգծեց՝ պատրաստ են մինչև հաղթանակին հասնելը պայքարել, իսկ պայքարի միջոցնները կընտրի «հայրենիքի փրկության շարժման» ղեկավարությունը։

«Մենք վստահում ենք նրանց։ Նրանք մեր ավագ ընկերներն են և հաստատ մեզ ու մեր ժողովրդին սխալ ճանապարհով չեն տանի», — նշեց Աղվան Պապյանը։

Տեսանյութը`  քիչ անց