Կիևում ընթացող ըմբշամարտի միջազգային մրցաշարում Հայաստանի ներկայացուցիչ Կարապետ Չալյանը  եզրափակիչ գոտեմարտում, համառ պայքարում 3-5 հաշվով զիջել է վրացի ըմբիշ Այվենգո Ռիկաձեին:

Չալյանը հանդես էր գալիս իր համար նոր՝  82 կգ քաշային կարգում, սակայն գոտեմարտում էր վստահ:  Հիշեցնենք, որ մինչև եզրափակիչ հասնելը գյումրեցի ըմբիշը նախ  8-1 հաշվով հաղթել էր ուկրաինացի Արտեմ Մատիաշին, ապա 3-0 հաշվով պարտության էր մատնել ուկրաինացի Յուրի Սկրյուբային։ 1/4 եզրափակչում Կարապետը 7-2 հաշվով հաղթել էր Ուզբեկստանի ներկայացուցիչ Ժալգասբայ Բերդիմուրատովին և դուրս   եկել կիսաեզրափակիչ, որտեղ էլ 5-1 հաշվով պարտության էր մատնել բելառուս ըմբիշ Յարոսլավ Կուրսին: