Խորհրդային Միության նախկին նախագահ Միխայիլ Գորբաչովը 90-ամյակը նշելու է Zoom-ում: Իր ծննդյան օրը քաղաքական գործիչը մտադիր է տեսազանգով հաղորդակցվել իր ընկերների և գործընկերների հետ: Այս մասին փետրվարի 2-ին հաղորդել է РЕН ТВ-ն:

Ինչպես նշել է ԽՍՀՄ նախկին նախագահի նախկին օգնական, «Գորբաչով» հիմնադրամի մամուլի ծառայության ղեկավար Պավել Պալաժչենկոն, նախկին ղեկավարն արդեն սկսել է շնորհավորանքներ ստանալ արևմտյան քաղաքական գործիչներից:

«Նա հանդիպել է ԱՄՆ բոլոր նախագահների հետ՝ սկսած Ջորջ Բուշ ավագից, և մի քանի անգամ հանդիպել է Ջո Բայդենի հետ: Նա պատրաստ է խոսել բոլորի հետ, և պետական ​​գործիչների հետաքրքրությունը նրա հանդեպ մեծ է», – լրագրողներին տված հարցազրույցում ասել է Պալաժչենկոն:

Ռուսաստանի նախագահ Վլադիմիր Պուտինը շնորհավորել է Գորբաչովին ծննդյան օրվա առթիվ:

Ռուսաստանի ղեկավարը մաղթել է առողջություն և նշել, որ Գորբաչովն իրավամբ պատկանում է մեր ժամանակների պայծառ, արտասովոր անհատականությունների և ականավոր պետական ​​գործիչների թվին, որոնք զգալի ազդեցություն են ունեցել համաշխարհային և ազգային պատմության վրա: