Միշտ հիշեք, Սահմանադրությամբ իշխանության յուրաքանչյուր ճյուղի համար սահմանված է ժամկետ: Իսկ Պետության գոյության, ընկերության, բարեկամության, հարևանության, մարդկային ցանկացած առողջ հարաբերության համար որևէ իրավական ակտով ժամկետ սահմանված չէ: Հենց նման հերթականությամբ բոլորդ, կլինեք իշխանամետ, թե ընդդիմադիր, մտածեք այդ արժեքների մասին՝ ամենակարևորը սկսած պետությունից:

Ընդդիմությունը մեկ իշխանություն է, որոշակի ժամանակ անց ընդդիմություն: Դա անխուսափելի օրինաչափություն է: Պետությունը, հարազատն ու բարեկամը, ժողովուրդը չպետք է ունենան մեդալի այլ երես. դրանք պետք է անփոփոխ լինեն:

Այն ինչը ժամանակավոր է, դրա պատճառով երբեք մի հեռացեք նշածս արժեքներից, մի թշնամացեք իրար հանդեպ, ամենակարևորը Պետությունը գերադասեք ամեն ինչից, որովհետև առանց Պետության ու Հայրենիքի չի կարող գոյություն ունենալ ոչ մի արժեք. բոլորս կդառնանք քոչվոր, անդեմ արարածներ:

ՀՀ ոստիկանության անձնագրային և վիզաների վարչության նախկին պետ Մնացական Բիչախչյան