— Տիկին Զոհրաբյան, դուք բարձր եք գնահատել ՀՀ Գլխավոր շտաբի պահվածքը վերջին շրջանում եւ կոչ եք արել հանրությանը՝ սատար լինել ԶՈՒ գլխավոր շտաբին։ Սակայն հայտնի է, որ  Տիրան Խաչատրյանը, ում Նիկոլ Փաշինյանը պաշտոնանկ արեց Իսկանդերի մասին իր գնահատականի համար, ում դուք համարեցիք արժանապատիվ եւ հայրենասեր գեներալ, ձեզ դատի էր տվել ձեր մի գրառման համար։ ի՞նչ կասեք այդ կապակցությամբ։

— Այո, դա գաղտնիք չէ, որոշակի թյուրըմռբնում էր եղել իմ եւ գեներալ Խաչատրյանի միջեւ, իր մի խոսքը, որը մամուլը ճշգրիտ չէր մեջբերել Սոթքի մասով, ես սխալ էի ընկալել եւ արել էի ազգային հերոսի հասցեին, այո, անթույլատրելի հայտարարություններ։ Ես երբեք որեւէ բարդույթ չեմ ունեցել ընդունելու իմ սխալը եւ խնդրելու ներողություն, ինչը արել եմ գեներալի դեպքում։

— Այո, Տիրան Խաչատրյանը արժանապատիվ  սպա է, որի համար կա մեկ գերխնդիր՝ մեր  հայրենիքի անվտանգությունն ու  ես կարեւոր եմ համարում, որ մեր երկրում այդպիսի սպաներ կան, ովքեր  ունեն  զինվորի եւ սպայի անցած  արժանապատիվ ուղի։

Ես զրուցել եմ գեներալի հետ եւ հայտնել իմ ներողությունը։