ՀՀ Պաշտպանության նախարար Վաղարշակ Հարությունյանն այսօր ԱԺ-ում չմասնակցեց կառավարության հետ հարցուպատասխանին, չնայած այդ մասին նիստի մեկնարկին չհայտարարվեց:

Նախարարի բացակայության մասին հայտնի դարձավ պատգամավորներից մեկի հարցի ժամանակ:

«Պաշտպանության նախարարը փառք Աստծո կա, ուղղակի դահլիճում չէ: Ի վերջո ինչ-որ մեկը պետք է զբաղվի երկրի պաշտպանությամբ»,-հայտարարեց Արարատ Միրզոյանը՝ առաջարկելով հարցը գրավոր ուղարկել, կառավարությունից կպատասխանեն: