«Հայրենիքի փրկության շարժման» հանրահավաքը կշարունակվի շաբաթ օրը՝ ժամը 15։00-ին։ Այս մասին հայտարարեց ՀՅԴ անդամ Գեղամ Մանուկյանը։

«Ամեն մեկդ, որ այսօր այստեղ կանգնած է, Բաղրամյան պողոտայում գիշերներ է լուսացրել, տուն գնալուց հետո պետք է արձանագրի, իրենցից յուրաքանչյուրի շնորհիվ նախագահական նստավայրից այսօր հավաստիացրել են, որ առնվազն մինչև մարտի 8-ը ՀՀ ԶՈՒ ԳՇ պետը գեներալ-գնդապետ Օնիկ Գասպարյանն է»,- նշեց Մանուկյանը։ Վերջինս կոչ արեց քաղաքացիներին իբրև շարժման քարոզիչ դիմելու իրենց հարևաններին, ազգականներին,թաղի բնակիչներին, այդ թաղում ապրող «Իմ քայլը» պատգամավորներին կամ ուսապարկերին և բացատրել ստեղծված վիճակը, վտանգավոր հետեւանքները։

Ավելին՝ նա նշեց, որ քաղաքացիները կարող են մտնել պետական հաստատություններ՝ պետական պաշտոնյաներին բացատրել, որ իրենց կարիքը կա։