Առաջիկա 2-3 օրերին Հայրենիքի փրկության շարժման անդամներով կայցելենք մարզեր։ Պետք է կարողանանք մեր ձայնը հասցնենք մարզերին։ Այնտեղ միայն Հ1-ն են լսում։ Այս մասին հանրահավաքի ժամանակ ասաց Հայրենիքի փրկության շարժման վարչապետի միասնական թեկնածու Վազգեն Մանուկյանը։

«Նրանք նույն կերպ բորբոքված են և հասկանում են, որ հայրենիք ենք կորցնում։ Ու՞մ կյանքն է լավացել։ Սա մեր շտաբն է, մեր փոքր հայրենիքն է, որտեղ հանդիպում ենք իրար, այստեղից խմբերով գնում ենք տարբեր անհնազանդության ակցիաներ կատարելու։ Շարժման մասնակիցները կգնան շրջաններ»,-ասաց Վազգեն Մանուկյանը։