Դիմակի կրման ռեժիմը չեղարկելու Տեխասի որոշումը Բայդենն անվանել է «նեանդերթալական»
ԱՄՆ նախագահ Ջո Բայդենը «նեանդերթալական մտածողություն» է համարում Տեխասի կառավարության որոշումը՝ նահանգում դիմակի կրման ռեժիմի չեղարկման վերաբերյալ։
Սպիտակ տան ղեկավարը կոչ է արել քաղաքացիներին զգուշավոր լինել, հաճախակի լվանալ ձեռքերը, կրել բժշկական դիմակներ և պահպանել սոցիալական հեռավորություն։
Երեկ Տեխասի նահանգապետ Գրեգ Էբոտը հայտարարել էր, որ մարտի 10-ից նահանգում կչեղարկվի դիմակի կրման ռեժիմը՝ չնայած նման քայլ չանելու առողջապահական մարմինների հորդորին։ Բացի այդ, տվյալ օրվանից կարող են աշխատանքը վերսկսել բոլոր ձեռնարկությունները, որոնց աշխատանքը սահմանափակվել էր պանդեմիայի ֆոնին։
