Ֆրանսիայի ոստիկանության աշխատակիցները կասեցրել են խմբավորման գործունեությունը, որը զենքի ապօրինի առեւտրով էր զբաղված Ֆրանսիայի տարածքում, հաղորդում է Le Figaro թերթը:

Նշվում է, որ հատուկ գործողությունը, որի ընթացքում բերման է ենթարկվել ութ մարդ, անցկացվել է երկրի հարավ-արեւմուտքում՝ Լիոնի արվարձանում: Ոստիկանության տվյալներով՝ բոլոր բերման ենթարկվածներին մեղադրանք է առաջադրվել զենքի ապօրինի տեղափոխման եւ առեւտրի առնչությամբ: Նրանցից հինգը կալանավորվել է:

Խուզարկությունների ժամանակ իրավապահները առգրավել են 400 զրահաբաճկոն, որոնցից 100-ը ոստիկանական նշաններով, 11 միավոր հրազեն, սպառազինություն, ինչպես նաեւ 214 հազար կանխիկ եվրո:

Քննությունը մեկնարկել էր 2018 թվականին Ռոն դեպարտամենտում: Առաջին բերման ենթարկումները տեղի են ունեցել 2019 թվականին: Այդ ժամանակ կալանավորվել էր հինգ մարդ: Անցած տարի բերման էր ենթարկվել եւս վեց մարդ, որոնք, ոստիկանության հաղորդմամբ, զբաղվում էին այդ հանցավոր խմբավորման լոգիստիկ հարցերով, հաղորդում է ՏԱՍՍ-ը: