Վարչապետ Նիկոլ Փաշինյանի կառավարության օրոք ՀՀ իշխանությունը շատ ավելի անհանդուրժող է լրատվական դաշտի նկատմամբ, քան նախկիններինը ԱՄՆ Պետդեպարտամենտը մարդու իրավունքների վերաբերյալ իր վերջին զեկույցում անդրադարձել է ՀՀ –ում մամուլի նկատմամբ սահմանափակումներին և կարծքիների արտահայտման ազատության խնդիրներին: Մասնավորապես, ներկայացվել է լրագրողների նկատմամբ բռնության դեպքը, որը տեղի էր ունեցել 2020 թվականի հունիսի 16 - ին ՀՀ ԱԱԾ շենքի դիմաց, «Բարգավաճ Հայաստան» կուսակցության ղեկավար՝ Գագիկ Ծառուկյանի ձերբակալման գործի շրջանակում:

 

Դեռևս այդ ժամանակ խոսվում էր, որ լրագրողները թիրախավորված էին, սակայն այդ կարծիքը ընդունվում էր ոչ միանշանակ, նույնիսկ երբեմն քննադատվում էր : Մինչդեռ, այդ դեպքի շրջանակում փաստացի տուժել էին «tert.am» լրատվականի աշխատակցուհի Անի Գևորգյանը, «Կենտրոն»հեռուստաընկերության լրագրող Արթուր Հակոբյանը, «News.am»ներկայացուցիչ Լիա Սարգսյանը, «Yerkir.am» Տաթևիկ Կոստանդյանը և «meganews.am»լրատվական կայքի խմբագիր Մարգարիտ Դավթյանը: Վերջինիս իր խոսքում բազմիցս նշել է, որ Վարչապետ Նիկոլ Փաշինյանի կառավարության օրոք ՀՀ իշխանությունը շատ ավելի անհանդուրժող է լրատվական դաշտի նկատմամբ, քան նախկիններինը, չնայած այն փաստին, որ ՀՀ այժմյա վարչապետը ու իր թիմակիցների մեծ մասը նախկին լրագրողներ են:

Մարգարիտա Դավթյան