«21-րդ դար մտած, բայց նախամարդուն բնորոշ վայրագ բարքերին դավանող Ադրբեջանի իշխանությունները շարունակում են հակահայկական անմոռաց ատելությամբ պարուրված իրենց քաղաքականությունը, որը մեծ հաշվով սպառնում է նաև տարածաշրջանային կայունությանն ու անվտանգությանը»,- այսօր՝ ԱԺ նիստի ժամանակ, հայտարարեց պատգամավոր Գոռ Գևորգյանը։

«Ադրբեջանի կողմից հայ գերիներին չվերադարձնելու և հայության դեմ թուրք-ադրբեջանական սպառնալիքների հռետորաբանության համատեքստում հայկական քաղաքական հարթակում պարբերաբար հնչող ձևակերպումները, հարևանների հետ երկխոսելու, մեր հայրենիքի մաս կազմող այս կամ այն տարածքի պատականելության հարցում կասկածները ծանրագույն պարտությունից հետո և ապրիլի 24-ին ընդառաջ, առնվազն մտահոգիչ են և անթույլատրելի»,- ասաց պատգամավորը։