Իսպանիայում Մուրսիայի ինքնավար համայնքի դպրոցներից մեկը դասերը կազմակերպում է լողափին: Սեղաններն ու շարժական գրատախտակը տեղադրված են հենց ավազի վրա, գրում է Reuters-ը:

Լողափում դասերը նախատեսված են 12 տարեկանից ցածր աշակերտների համար: Այսպիսի մեկ դասը տևում է մոտ 20 րոպե:«Դա անվտանգ է, երեխաները սիրում են այսպիսի դասերը: Նրանք չեն մոռանում այն, ինչ այստեղ են սովորում», – ասել է անգլերենի ուսուցիչ Խուան Ֆրանցիսկո Մարտինեսը:

Նախաձեռնությունը FreshAir նախագծի մի մասն է: «Դասընթացներ՝ բաց երկնքի տակ» նախագծի առաքելությունն այն է, որ համաճարակի ընթացքում երեխաները գտնվեն այնպիսի  տարածքում, ուր օդը մաքուր է։