Միննեապոլսում մարդիկ դուրս են եկել փողոցներ՝ տոնելու նախկին ոստիկան Դերեք Շովինի մեղավորության վերաբերյալ վճռի հրապարակումը։ Բոլոր 12 երդվյալ ատենակալները նրան մեղավոր են ճանաչվել աֆրոամերիկացի Ջորջ Ֆլոյդի սպանության հետ կապված 3 մեղադրական կետերով։ Նրան սպառնում է 40 տարվա ազատազրկում։ Պատժի վերաբերյալ վճիռը կկայանցվի հունիսին։

Ակտիվիստները ողջագուրվում են և վանկարկում․ «Արդարություն»։ Մարդիկ հավաքվել են ոչ միայն դատարանի շենքի մոտ, այլև Ֆլոյդի ձերբակալության վայրում։ Մեքենաներն ազդանշաններ են տալիս՝ ի նշան զորակցության։

Շովինն անցած տարվա մայիսի 25-ին Ֆլոյդի ձերբակալության ժամանակ հնարք էր կիրառել, ինչի պատճառով Ֆլոյդը շնչահեղձ էր եղել։ Ֆլոյդի մահից հետո ԱՄՆ-ում զանգվածային ցույցեր ու անկարգություններ են տեղի ունեցել։