Ապրիլի 27-ին ԱԳ նախարարի պաշտոնակատար Արա Այվազյանը հանդիպում ունեցավ Հայոց ցեղասպանության 106-րդ տարելիցի ոգեկոչման միջոցառումներին մասնակցելու նպատակով Հայաստանում գտնվող ՄԹ խորհրդարանի ՄԹ-ՀՀ բարեկամության խմբի համանախագահ, բարոնուհի Քերոլայն Քոքսի հետ։ 

Ողջունելով Բարոնուհի Քոքսին` Արա Այվազյանը խորին երախտագիտություն հայտնեց այս օրերին հայ ժողովրդի կողքին գտնվելու և երկարամյա հայանպաստ գործունեության համար։ 

Հանդիպման ընթացքում մտքեր փոխանակվեցին տարածաշրջանային կայունության և անվտանգության հարցերի շուրջ: Անդրադարձ կատարվեց Արցախում հումանիտար իրադրության հասցեագրման ուղղությամբ իրականացվող քայլերին։