«Այս օրերին Ադրբեջանը շուրջ 19 հայ գերեվարված քաղաքացի է խոշտանգելով սպանել»,- այսօր՝ ԱԺ հայտարարությունների ժամին ելույթ ունենալիս միջազգային հանրության ուշադրությունը հրավիրելով Ադրբեջանում հայ գերիների սպանությանը՝ հայտարարեց ԼՀԿ խմբակցության պատգամավոր Սրբուհի Գրիգորյանը։

«Խոշտանգմամբ սպանված 12-ը քաղաքացիական անձինք են՝ մարդիկ, ովքեր չեն հեռացել իրենց տներից, զենք ու զինամթերք չեն ունեցել, այլ ուղղակի իրացրել են իրենց ապրելու իրավունքը։ Սպանված քաղաքացիական անձանցից չորսը կանայք են ՝ Էլենան, Էլլան, Անահիտը և Նինան․․․ Դա՞ է ադրբեջանցի զինվորի առաքելությունը՝ սպանել անպաշտպան կանանց»,- ասաց պատգամավորը։