Պատվաստանյութերի համաշխարհային կոնգրեսի անդամ-գիտնականները մայիսի 5-ին աշխարհում հակակորոնավիրուսային լավագույն պատվաստանյութ են ընտրել ամերիկյան Moderna ընկերության արտադրանքը։ Այս մասին հայտնում է TASS-ը։ Միջոցառումն անցկացվել է առցանց ռեժիմով։

Ամերիկյան պատվաստանյութը հաղթել է երկու անվանակարգում՝ «լավագույն COVID-պատվաստանյութ» և «լավագույն նոր տեխնոլոգիա/հարթակ՝ պատվաստանյութի համար»։

Կոնգրեսում նաև բարձր են գնահատել ամերիկյան Pfizer և գերմանական BioNTech ընկերությունների մշակած պատվաստանյութը։
Ավելի վաղ Moderna-ն իջեցրել էր իր պատվաստանյութի արդյունավետությունը՝ 94․1 տոկոսից դարձնելով 90 տոկոս։