Վրաստանի կառավարությունն աշխատում է երկրի ցամաքային սահմանները բացելու ուղղությամբ: Այս մասին հայտնել է երկրի էկոնոմիկայի և կայուն զարգացման նախարար Նատիա Տուրնավան:

Նրա խոսքով՝ ցամաքային սահմաններին կկիրառվեն մուտքի նույն կանոնները, ինչ օդայինի դեպքում:

Այսօր Վրաստան ժամանող օտարերկրացիները պետք է ներկայացնեն վերջին 72 ժամվա ընթացքում իրականացված PCR թեստի բացասական արդյունքը հաստատող վկայական: Վրաստանում երկար մնալու դեպքում այդ անձինք 3 օրվա ընթացքում անցնում են կրկնակի թեստ՝ իրենց հաշվին: