Մեր պետությունը պետք է կոշտացնի իր արձագանքները, խստացնի՝ համարժեք գնահատականներով, ոչ թե ուղղակի բառեր ասի: Այդ մասին ԱԺ-ում ասաց ՄԻՊ Արման Թաթոյանը՝ մատնանաշելով սահմանային խնդիրները՝ Արավուսում հովվի միջադեպը, ադրբեջանցի զինվորականների՝ Խնածախ գյուղի վերևում դիրքեր կառուցելու հանգամանքը:

«Մեր պետության արձագանքը համարում եմ անահամաչափ: Մեր պետությունը պետք է ակտիվ արձագանքի այս խնդիրներին: Պետք է ցույց տա աշխարհին՝ ինչ է տեղի ունենում: Իրականում Ադրբեջանը տարածում է, որ ամեն ինչ հիանալի է, ամեն ինչ նորմալ է, «մենք այստեղ տեղավորվում ենք, եկել ենք, մեր դիրքերում նստում ենք»», - նշեց ՄԻՊ-ը՝ հարց բարձրացնելով՝ բա ուղիղ վտանգ չի՞ սպառնում մեր բնակչությանը: