«ԱԱԾ պահեստազորի սպաների միություն» ՀԿ- նախագահ, ՀՀ ԱԱԾ տնօրենի նախկին առաջին տեղակալ, գեներալ-լեյտենանտ Հրանտ Եպիսկոպոսյանն այսօր լրագրողների հետ հանդիպմանը, մեկնաբանելով Նիկոլ Փաշինյանի հրապարակային հանձնարարությունները, որոնք տրվել են ԱԱԾ-ին՝ կապված սատանա փնտրելու կամ ՀԴՄ-ների հետ, ասաց, որ ԱԱԾ-ի գործառույթների մեջ երբեք չի մտել սատանա փնտրելը, ՀԴՄ-ների ստուգումը. «Ես չեմ հասկանում, ինձ մոտ այնպիսի տպավորություն էր, որ ՊԵԿ գոյություն չունի, ԱԱԾ-ն կարծես լինի «палочка выручалочка»: Այդպես չի լինում»:

ԱԱԾ տնօրենի նախկին պաշտոնակատար Միքայել Համբարձումյանն իր հերթին նշել է, որ իր պաշտոնավարման ժամանակ ամեն ինչ ասել է շատ պարզ, ազնիվ ու հստակ. «Նա մեր ղեկավարն է եղել, խնդիրներ է դրել, եթե նույնիսկ չենք կատարել, բացատրել ենք, թե ինչու չենք կատարում: Հիմա չեմ ուզում մասնավորեցնել մեր զրույցները»:

Համբարձումյանը նաև նշեց, որ այսօր շատ մարդկանց մոտ տպավորություն է ստեղծվել, որ ԱԱԾ-ն վերածվել է քաղմասի, ամեն անկապ ու կապված գործով զբաղվում է. «Այն ժամանակ ծառայությունն իր գործն էր կատարում, իսկ հիմա այդ ռիթմը կորել է»: