Օրերս News.am լրատվականը հղում տալով տելեգրամյան ալիքներից մեկին գրել էր, որ Նիկոլ Փաշինյանի Սյունիք կատարած այցից հետո սյունեցիների դեմ բռնաճնշումների մասնակից են եղել նաեւ քաղաքացիական անձինք, որոնք իշխանության թողտվությամբ որոշակի գործողություններ են արել: Այդ օրը ուժայինների հետ Սյունիքում է եղել նաեւ Արգավանդ համայնքի նախկին ղեկավարի որդին՝ Վահե Նարիբեկյանը: Նա տեղում լուսանկարել է Փաշինյանին հայհոյող քաղաքացիներին եւ լուսանկարները փոխանցել ոստիկաններին: Հենց Նարիբեկյանին լուսանկարների հիման վրա են բերման ենթարկել քաղաքացիներին: Ավելին լրատվականի հրապարակման համաձայն՝ Վահե Նարիբեկյանը տեսանկարահանել է նաեւ ոստիկանության բաժանմունքում քաղաքացիների ծեծը:

Այսօր ARMINSIDER տելեգրամյան ալիքը գրել է, որ Վահան Նարիբեկյանը «Արգավանդ կահույք» խանութների տնօրենն է, նրա խանութից պարբերաբար գնումներ են անում ԱԺ պատգամավորները։ Անգամ ԱԺ-ն դեռ 2018 թվականին համաձայնագիր է կնքվել Նարիբեկյանի հետ՝ գնումների վերաբերյալ:

 

ԱԺ-ն մի լավություն էլ է արել, բացի Նարիբեկյանից կահույք գնելը․ Վահան Նարիբեկյանի երեք մեքենաների (G class, Nissan Patrol, Land Cruiser 200) համար տրամադրել է ԱԺ-ին պատկանող HH համարանիշեր։ Բնականաբար, նա էլ լավության տակից դուրս է գալիս «գործ տալով»։ Փոխադարձ շահավետ գործարք։ Ու հիմա էլ փաստորեն, նրան թույլատրվում է Արգավանդը խառնել իրար, բնակիչներին անհարմարություններ պատճառել, որովհետև իշխանության համար «սև գործեր» է անում։

Փորձեցինք կապ հաստտաել ԱԺ փոխոխսնակ Ալեն Սիմոնյանի հետ պարզելու համար, թե ի՞նչ կապ ունի Վահան Նարիբեկյանի ԱԺ-ին պատկանող պետհամարանիշ ստանալու հետ և արդյո՞ք ԱԺ փոխոխսնակը աջակցում է իր մտերիմի բիզնեսին, սակայն մեր զանգերն անպատասխան մանցին։