ՌԴ նախագահի մամուլի քարտուղար Դմիտրի Պեսկովը հայտնել է, որ մայիսի 11-ին Կազանի դպրոցում կրակոցներից հետո նախագահ Վլադիմիր Պուտինը հանձնարարել է Ռուսաստանի գվարդիայի ղեկավար Վիկտոր Զոլոտովին մշակել նոր կանոնակարգ քաղաքացիական օգտագործման համար թույլատրված զենքի տեսակների վերաբերյալ:

«Զոլոտովին առանձին հրաման տրվեց զենքի վերաբերյալ առանձին դրույթ մշակել՝ հաշվի առնելով կրակողի կողմից օգտագործված զենքի տեսակը»,- ասել է Պեսկովը:

Ինչպես հայտնել ենք, Կազանի թիվ 175 դպրոցում պայթյուն է որոտացել: Պայթյունից քիչ առաջ հրաձգություն էր տեղի ունեցել կրթական հաստատության հարևանությամբ:

Ուսումնական հաստատությունում կրակոցների հետևանքով զոհերի թիվը հասել է 11-ի:

Թաթարստանի իշխանությունները Կազանի դպրոցում կրակոցներից հետո մայիսի 12-ը սգո օր են հայտարարել։