Երեկ էշով Նիկոլ Փաշինյանին տանելու համար Աժ եկած Սեւադա Ղուկասյանը 2013  թվականից ՀՅԴ անդամ  է, այժմ Աչաջուր համայնքի ավագանու անդամ:

«Ակցիան համարում եմ ստացված, այսօր իշխանությունների ջղաձգումներին ականատես լինելով՝ էժանագաին գործիքկազմով, իրենց արած քայլերից հասկանում եմ, որ ակցիան ստացվեց, մի բան էլ ավելի»,-Irakanum.am-ի հետ զրույցում ասաց Սեւադա Ղուկասյանը:

Ակցիայից հետո ոստիկանության բաժին հրավիրված Ղուկասյանը մեզ հետ զրույցում հաստատեց, որ անձնական խուզարկությամբ կանեփնման զանգված են իր մոտ հայտնաբերել. «Ինձ ճանաչողները գիտեն՝ այդքան էլ հիմար չեմ, լավ ընդունենք՝ նման բաներ օգտագործում եմ, ես վերջը հասկանում եմ չէ՞ , թե ինչ ակցիայի եմ գնում: Բացի այդ՝  Ոստիկանությունում ինձ շատ լավ են վերաբերել, ունեցել եմ ազատ տեղաշարժվելու հնարավորություն, մի քանի անգամ զուգարան եմ գնացել, եթե նույնիսկ ակցիայի ժամանակ կամ դրանից առաջ խառն եմ եղել, շտապել եմ, չեմ գիտակցել, որ կարող են ինձ բերման ենթարկել, որ մի հատ ինձ կարգավորեմ, որ ինձ մոտ ես իմ ինչեր չգտնեն, այդ հնարավորությունը  ներսում ունեի, նախ պարապ էի, հետո շատ լավ էին վերաբերում, տրամաբանությունը չեմ տեսնում էլի:  Ինձ չեն էլ խուզարկել, պարզապես ոստիկանությունից դուրս գալուց առաջ, ասացին ըստ կարգիւ գրպանի պարունակությւոնը դատարկի, հետո լցրու գրպանդմ, ազատ ես: Ես իմ կամքով, գրպանների պարունակությունը դատարկել եմ, մեջից ինչ-որ բան են գտել, չգիտեմ՝ ինչ էր, Ոստիկանությունում էլ էլ ասացի, որ իմ կարծիքով ավելի շատ նման է կանեփի: Ես նույնիսկ պահանջել եմ նարկոլոգիայի կենտրոն  ինձ տանեն ու անալիզ վերցնեն: Ես պատրաստ եմ, որ վաղն էլ ինձ կարող են մեղադրել ապօրինի զենքի առուվաճառքի մեջ, մյուս օրը իմ տանը միջուկային ռումբ գտնեն»:

Մեր հարցին, թե այդ զանգվածը ձեզ հետ դո՞ւք էիք տարել, թե՞ կասկածներ ունեք, որ ձեր գրպանն են գցել, մեր զրուցակիցը պատասխանեց. «Ինձ համար մինչեւ հիմա անհասկանալի է, իսկ ինչ-որ բան, եթե անհասկանալի է,  չեմ կարողանում կասկածանքներով բան ասել: Ես նման բան հետս չեմ տարել ու հիմնավորում եմ , որ ուղղակի չէի կարող հետս տանել»:

Սեւադա Ղուկասյանից հետաքրքրվեցինք, թե ակցիան ի՞ր նախաձեռնությունն էր, թե՞ կուսակցության կողմից էր պատվիրված, ի պատասխան ասաց. «Մեր կուսակցությունում պատվերներ չեն լինում, ամեն ինչ անկեղծ մղումներով են…այս ակցիան արել եմ իմ անձնական մղումներով, առաջին հերթին ոչ որպես դաշնակցական, այլ՝ որպես հայ մարդ, իջեւանցի, աչաջրեցի: Կուսկացությունը նորմալ ընդունեց իմ ակցիան, ոչ ծափահարեց, ոչ էլ ասաց՝ էս ինչ ես արել»:

Ոստիկանությունից Irakanum.am-ին հայտնեցին, որ Ղուկասյանի մոտից հայտնաբերված զանգվածը ուղարկվել է փորձաքննության, իսկ դեպքով նյութեր են նախապատրաստվում

Irakanum.am