Իսրայելական բանակը հաղորդում է ՀԱՄԱՍ-ին պատկանող ռազմավարական նշանակության շինություններին, ներառյալ խմբավորման բանկին հարվածներ հասցնելու մասին, գրում է RT-ն:

«Վերջին մի քանի ժամվա ընթացքում իսրայելական ռազմաօդային ուժերի կործանիչներն ու ինքնաթիռները հարվածներ են հասցրել ՀԱՄԱՍ-ին պատկանող մի շարք ռազմավարական շենքերի», - Twitter-ում հայտնում է իսրայելական բանակը:

Նշվում է, որ խոցված թիրախների թվում են կազմակերպության հիմնական բանկը, հակահետախուզության գրասենյակը և ներքին անվտանգության ծառայության շենքը:

Ավելի վաղ իսրայելական բանակը հայտնել էր, որ Պաղեստինի անկլավի սահմանների սրացման սկզբից ի վեր Իսրայելի տարածք Գազայի հատվածից 1500 հրթիռ է արձակվել: