Նորվեգիայի իշխանությունները AstraZeneca պատվաստանյութը վերջնականապես հանել են Covid-19-ի դեմ պատվաստումների ծրագրից: Այս մասին գրում է RT-ն:

The Local-ի հաղորդմամբ՝ տեղեկությունը հայտնել է Նորվեգիայի վարչապետ Էռնա Սոլբերգը:

AstraZeneca-ի օգտագործումը Նորվեգիայում դադարեցվել է մարտի 11-ից՝ պատվաստանյութի կողմնակի ազդեցությունների կասկածների պատճառով:

Նախատեսվում է այս դեղամիջոցի դոզաները փոխանցել այլ երկրներ:

Մայիսի 10-ին Նորվեգիայի կառավարությանը AstraZeneca և Johnson & Johnson պատվաստանյութերի օգտագործումից հրաժարվել առաջարկել էր փորձագիտական խումբը:

J&J պատվաստանյութի օգտագործումը Նորվեգիայում նույնպես կասեցվել է, սակայն քաղաքացիները հնարավորություն ունեն կամավոր հիմունքներով այս դեղամիջոցից ներարկում ստանալ: