Առաջիկա արտահերթ ընտրություններին «Հայ ազգային կոնգրես» կուսակցության ցուցակը կգլխավորի Լևոն Տեր–Պետրոսյանը, այս մասին ՀՀ առաջին նախագահն այսօր ասել է ՀԱԿ կոնգրեսին։

«Ինչ վերաբերում է Կոնգրեսի՝ ընտրություններին մասնակցելու կամ չմասնակցելու վճռին, ապա համագումարից խնդրում եմ, դրա իրավասությունը պատվիրակել նորընտիր վարչությանը:

Եթե վարչությունը որոշի մասնակցել ընտրություններին, ապա ինքնըստինքյան հասկանալի է, որ Կոնգրեսի ցուցակը գլխավորելու եմ ես: Կոնգրեսի ներկայությունը խորհրդարանում անհրաժեշտ է թեկուզ միայն այն պատճառով, որպեսզի համատարած կակաֆոնիայի մթնոլորտում, ինչպես մեկ անգամ արդեն ասել եմ, ողջախոհության ճրագը մեր երկրում չմարի»,– ասել է Լևոն Տեր–Պետրոսյանը: