Ֆրանսիայի արտաքին գործերի նախարար Ժան-Իվ Լե Դրիանը Բաքվին ու Երևանին կոչ է արել համաձայնության գալ ադրբեջանական զորքերը Հայաստանի տարածքից դուրս բերելու շուրջ: Այս մասին երկուշաբթի օրը հաղորդել է Ֆրանսիայի դիվանագիտական ​​գերատեսչությունը՝ նախարարի ադրբեջանցի և հայ գործընկերներ Ջեյհուն Բայրամովի և Արա Այվազյանի հետ ունեցած հեռախոսազրույցների արդյունքներից հետո:

«Հայաստանի և Ադրբեջանի սահմանին վերջին լարվածության կապակցությամբ Ժան-Իվ Լե Դրիանը հիշեցրել է Ֆրանսիայի մեծ անհանգստությունը և Հայաստանի տարածքային ամբողջականությունը պահպանելու նրա նվիրվածությունը»,- նշում է Ֆրանսիայի ԱԳՆ-ն:

«Ֆրանսիան ուշադրությամբ հետևում է իրավիճակին և կողմերին կոչ է անում շարունակել քննարկումները՝ ապահովելու համար հայկական տարածքից ադրբեջանական ուժերի անհապաղ դուրսբերումը»,- նշում է Ֆրանսիայի ԱԳՆ-ն։