Ինչպես հայտնի է, ընտրություններին ընդառաջ՝ «Բարգաված Հայաստան» կուսակցության նախընտրական ցուցակի առաջին երեք հորիզոնականում են Գագիկ Ծառուկյանը, Միքայել Մելքումյանը և Իվետա Տոնոյանը։ Կարևորելով կին պատգամավորների գործունեությանը քաղաքական դաշտում՝ պետք է նշել՝ Իվետա Տոնոյանն իր ակտիվ ու արդյունավետ աշխատանքով միշտ աչքի է ընկել։

Մի փաստ ևս պետք է արձանագրել, որը armenian24news.am- ի լրագրողները ևս կարող են փաստել․ 2003-2017 թվականներին լրագրողական ճանապարհ անցած, այդ ոլորտում թրծված Իվետա Տոնոյանն՝ ի տարբերություն նախկինում լրագրող եղած մյուս պատգամավորներից շատերի՝ խորին հարգանք ունի լրագրողական աշխատանքի, լրագրողների նկատմամբ, ու չի զլանում պատասխանել լրագրողների հարցերին։ Նախընտրական ժամանակահատվածում, իհարկե, կան ու կլինեն մարդիկ, որոնք Իվետա Տոնոյանի կատարած աշխատանքի մեջ կփորձեն բծեր գտնել, ավելի ճիշտ՝ այդ բծերը հորինել։ Իհարկե, անսխալական մարդիկ չկան, բայց կան կատարված աշխատանքներ, որոնք ակներև են։

Ըստ parliamentmonitoring.am-ում զետեղված տվյալների՝ 7-րդ գումարման Ազգային ժողովի իրականացրած աշխատանքների ընթացքում Իվետա Տոնոյանն 8 օրենսդրական նախաձեռնությամբ է հանդես եկել։ Ստանձնելով պատգամավորական մանդատ՝ այս պատգամավորը խորին պատասխանատվություն է ունեցել ժողովրդի առաջ։ Քաղաքացիները տեսել են՝ ինչպես է  նա  պայքարել փողոցում՝ քաղաքացիների կողքին լինելով։

Այս պահին մամուլում հայտնվել է ԲՀԿ-ի նախընտրական ցուցակի առաջին եռյակը, որում զետեղված է նաև Իվետա Տոնոյանի անունը, հետևաբար՝ հատկապես հիմա նա հայտնվել է պղտոր ջրերում ձուկ որսալուն սովոր մարդկանց ուշադրության կենտրոնում։ ԲՀԿ առաջնորդի ու ժողովրդի վստահությանն արժանացած Իվետա Տոնոյանն այս պաշտոնին հասել է տարիների անձնուրաց աշխատանքով՝ անձնական շահ չհետապնդելով և իր թիմին անվերապահորեն վստահելով։ Իվետա Տոնոյանը որպես խորհրդարանական երկրորդ ուժի ներկայացուցիչ՝ միշտ աներկյուղ բարձրացրել է մեր երկրում առկա խնդրները, այդ թվում՝ հետպատերազմյան շրջանում մեր ժողովրդի սիրտը մորմոքող ցավոտ հարցերը՝ հայրենիքի սահմանների անառիկությունից մինչև գերիների վերադարձին վերաբերող հարցեր․․․

Այս պատգամավորն իր կատարած աշխատանքի մասին չի խոսել, զբաղվել է իր աշխատանքով, ոչ թե սեփական PR-ով, ինչպես անում են շատերը։

Թո՛ղ այս կին պատգամավորին քննադատողները կարողանան կատարել նրա կատարած աշխատանքի թեկուզ իրականացնել կամ ունենալ նրա վաստակի կեսը․․․․ հավանաբար, այդ դեպքում քննադատել կամ բծեր փնտրելու սիրահար այդ մարդիկ այլևս ժամանակ ու ցանկություն չէին ունենա այս պատգամավորին քննադատելու ու դիվիդենտներ շահելու համար։

Հասմիկ Սարգսյան