Մենք արդեն տեղեկացրել էինք, որ օրերս ՀՀ երկրորդ նախագահ Ռոբերտ Քոչարյանը հանդիպել էր առողջապահության ոլորտի ներկայացուցիչների հետ:  Հանդիպմանը մասնակցած մի քանի բժիշկներ մեզ տեղեկացրեցին, որ մինչ հանդիպումը ԵՊԲՀ ռեկտոր Արմեն Մուրադյանը ամեն բան արել է, որպեսզի հանդիպմանը հնարավորինս քիչ բժիշկներ մասնակցեն: Նա նախապես հանդիպել է բժիշկների հետ և հորդորել չմասնակցել նախատեսվող հանդիպմանը: 

Արմեն Մուրադյանին իհարկե քչերն են հաշվի առել և մեծ մասը գնացել  է հանդիպմանը: Բժիշկների շրջանում, սակայն տարակուսելի է եղել այն, որ Արմեն Մուրադյանը նման նախաձեռնությամբ է հանդես եկել: Բոլորն էլ լավ են հիշում, որ նա Ռոբերտ Քոչարյանի նախագահության տարիներին հնարավոր ամեն բան արել է, որպեսզի մտերիմ հարաբերություններ հաստատի Քոչարյան ընտանիքի անդամների հետ: Հետո ամեն տեղ հպարտացել է ունեցած հարաբերություններով: Հետո Արմեն Մուրադյանը ջանք չի խնայել, որպեսզի սերտ հարաբերություններ ունենա նախագահ Սերժ Սարգսյանի շրջապատի հետ: Բժիշկներից ոմանք նաև հիշեցրել են այս ամենը Արմեն Մուրադյանին:

Բժիշերը ժպիտով են պատկերացնում Արմեն Մուրադյանի գործողությունները, երբ հունիսի 21-ին արդեն ակնհայտ կդառնա, որ ընդդիմությունը հաղթել է ու վարչապետ է դառնալու Ռոբերտ Քոչարյանը: