ԱՄՆ նախագահ Ջո Բայդենի և ՌԴ նախագահ Վլադիմիր Պուտինի առաջին հանդիպումը տեղի կունենա Շվեյցարիայում: Այս մասին տեղեկացնում է Новая Газета պարբերականը` հղում տալով Тages-Аnzeiger պարբերականին:

Ըստ շվեյցարական պարբերականի՝ ԱՄՆ ռազմաօդային ուժերի առաքելությունն արդեն վայրէջք է կատարել Ժնևում: Գագաթնաժողովի անցկացման վայրն ու ճշգրիտ ժամանակը դեռ պարզ չէ, բայց, ամենայն հավանականությամբ, այն տեղի կունենա Ժնևում առաջիկա 2 շաբաթվա ընթացքում:

NBC-ի թղթակից Ջեֆ Բենեթը թվիթերում հաստատել է, որ Ժնևը Բայդենի և Պուտինի հանդիպման ամենահավանական վայրն է, NBC- ին այս մասին հայտնել է ԱՄՆ նախագահի վարչակազմից 4 աղբյուր: