Ուկրաինան մայիսի 26-ին՝ ժամը 00:00-ից դադարեցնում է Բելառուսի հետ ավիահաղորդակցությունը՝ Մինսկում Ryanair ընկերության օդանավի հարկադիր վայրէջքի հետ կապված իրավիճակից հետո։ Այս մասին հայտնել է Ուկրաինայի վարչապետ Դենիս Շմիգալը: 
«Ուկրաինան դադարեցնում է Բելառուսի հետ ավիահաղորդակցությունը։ Բացի այդ, ուկրաինական ավիաընկերություններին և ինքնաթիռներին կարգելվի թռիչքներ իրականացնել Բելառուսի Հանրապետության օդային տարածքում»,- Թելեգրամ-ալիքում գրել է Շմիգալը։ 
«Մինսկում Ryanair ընկերության ինքնաթիռի հարկադիր վայրէջքի հետ կապված իրավիճակը միջազգային քաղավիացիայի մասին կոնվենցիայի խախտում է։ Մեր կառավարության որոշումն ուղղված է թռիչքների և ուղևորների անվտանգության ապահովմանը»,- հավելել է նա։