Տաշքենդում ավարտին է մոտենում ծանրամարտի աշխարհի երիտասարդական առաջնությունը: Այսօր մրցահարթակ էին դուրս եկել 102 կգ քածային ծանրորդները: Հայաստանը ներկայացնում էր Պետրոս Պետրոսյանը: Մեր մարզիկը անհաջող հանդես եկավ: Հրում վարժությունում նա ձախողեց բոլոր 3 մոտեցումները և չկարողացավ պայքարել մեդալի համար:

Պետրոսը մեր վերջին ծանրորդն էր այս մրցաշարում: Այսպիսով Հայաստանւ հավաքականը ավարտեց իր մասնակցությունը նվաճելով 3 մեդալ: Հիշեցնենք, որ աշխարհի առաջնությունում ոսկե մեդալակիր են դարձել Գարիկ Կարապետյանը (96 կգ) և Լիանա Գյուրջյանը (81 կգ) , իսկ Կարեն Մարգարյանը (81 կգ) նվաճել է արծաթե մեդալ: