Եթե Նիկոլ Փաշինյանին մասամբ հաջողեց հասարակության մի մասին համոզել, որ Լեւոնը, Ռոբերտը, Սերժը միասին ծախել էին Արցախը, ինչը եկավ տեսավ, ապա Սյունիքի ու Գեղարքունիքի, Վայոց Ձորի հարցով դա չի կարող գցել նախկինները ջեբը: Այս մասին, այսօր՝ մայիսի 31-ին, մամուլի ասուլիսի ժամանակ նշեց ՀՀԿ փոխնախագահ Արմեն Աշոտյանը:

«Եթե Արցախի դավաճանական գործարքը փորձում է մեղասգրել նախկիններին, ապա այս հարցով ոչ մի ձեւ դա չի կարողանում անել»,-ասաց նա:

Աշոտյանն անդրադարձավ նաեւ նախօրեին Նիկոլ Փաշինյանի հայտարարությանը, որտեղ նա բանավեճի էր հրավիրում Ռոբերտ Քոչարյանին ու Լեւոն Տեր-Պետրոսյանին. «Երեկ այդ վիժվածքը տղամարդկայությունից էր խոսում: հոգեբանության մեջ փաստ է, որ եթե մեկը մի բանից շատ է խոսում, նշանակում է՝ դրանից չունի: մայիսի 4-5-ին էդ ապուշը ԱԺ-ում ասաց՝ Արցախի հարցով եկեք բանավիճենք: Ես հենց տեղում գրեցի՝ արի բանավիճենք, ղզիկ: Բնականաբար, ԶԼՄ-ները զանգել են իրեն, բնականաբար թռել ա: Հիմա էլ եթե էդքան դուխ ունես, եթե մի փոքր տամարդկություն մնացել է քո մեջ, իմ առաջարկը բաց է: Ի՞նչ նախագահների հետ բանավեճ, ո՞վ է այդ թափթփուկը: Ես համաձայնում եմ, որովհետեւ դատական բժիշկ եմ, սովոր եմ այս դեպքում քաղաքական մեռելի հետ գործ ունենալ: Թող գա, վեր ընկնի էստեղ, կամերաների դիմաց, սատկացնեմ 40 րոպեում Ղարաբաղի հարցով»,-ասաց նա: