Ռոբերտ Քոչարյանը հանդիպել է Երևանի երկու թաղամասերի բնակիչների և շտաբերի ներկայացուցիչների հետ

ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը և «Վերածնվող Հայաստան» կուսակցության նախագահ Վահե Հակոբյանը այսօր՝ հունիսի 2-ին Երևանում հանդիպել են մայրաքաղաքի Մլաթիա-Սեբաստիա և Շենգավիթ վարչական շրջանների քաղաքացիների և «Հայաստան» դաշինքի շտաբերի ներկայացուցիչների հետ։ Այս մասին հայտնում են «Հայաստան» դաշինքի ֆեյսբուքյան էջում:

«Եթե մի գործ անում ես հավատալով, դրա մեջ էմոցիա դնելով, միշտ արդյունքն ուրիշ է լինում։ Իսկ եթե կասկածանքով ես անում, ինքդ քեզ հետ անկեղծ չես լինում, այս վիճակում ինչ-որ մի բան կիսատ-պռատ ես թողնում, ուրեմն դու լավ արդյունք չես ունենալու»,- դիմելով ներկաներին՝ ասել է Ռոբերտ Քոչարյանը։