Արևմտյան երկրները, պատժամիջոցների և այլ պետությունների վրա ապօրինի ճնշման մեթոդների ավելացման միջոցով, ամբողջ աշխարհում տոտալիտարիզմ են պարտադրում:

Ռուսական «Коммерсантъ» թերթում և «Россия в глобальной политике» ամսագրում լույս է տեսել Ռուսաստանի արտգործնախարար Սերգեյ Լավրովի հոդվածը՝ աշխարհակարգի սկզբունքների և իրավիճակային կանոններով միջազգային իրավունքի փոխարինման անընդունելիության մասին: Նախարարի ելույթը կարելի է դիտարկել որպես ծրագրային պատասխան Արևմուտքին և լավագույնս նկարագրում է այսօրվա աշխարհակարգի վերաբերյալ Ռուսաստանի տեսլականը, մոտեցումները: Հատկանշական է, որ այս հոդվածը լույս է տեսնում Պուտին-Բայդեն վերջին գագաթնաժողովից հետո և ԵՄ անդամ երկրների ղեկավարների վերջին հավաքին ՌԴ հետ գագաթնաժողով անցկացնելու գաղափարի մերժումից հետո:

Քննադատելով Արևմուտքին, Լավրովն ասում է, որ «կիրառելով պատժամիջոցներ և ինքնիշխան կառավարությունների վրա անօրինական ճնշման այլ միջոցներով՝ Արևմուտքը տոտալիտարիզմ է սերմանում համաշխարհային գործերում, կայսերական, նեոգաղութատիրական դիրք է գրավում այլ երկրների նկատմամբ»: