Հզոր սողանք` Ճապոնիայում. կան անհայտ կորածներ (տեսանյութ)
Ճապոնիայում հզոր սողանք է տեղի ունեցել Ատամի քաղաքում (Սիձուոկա պրեֆեկտուրա): Հաղորդվում է, որ մոտ 20 մարդ անհայտ կորած է, հայտնում է NHK TV- ն:
Քաղաքային իշխանությունները 20 հազար ընտանիքի տարհանելու հրաման են արձակել: Փրկարարներն ուղարկվել են սողանքի վայր:
Տեղական իշխանությունները նաև օգնություն են խնդրել Պաշտպանական ուժերից: Սողանքի մասին տեղեկատվություն հավաքելու համար Ճապոնիայի կառավարության ներքո ստեղծվել է արտակարգ շտաբ:
Ճապոնիայի կենտրոնական եւ արեւելյան շրջաններում շարունակվում են անձրեւները: Որոշ շրջաններում, վերջին երկու օրվա ընթացքում, տեղացել է 400-ից 600 մմ անձրև:
