Վարչապետ Նաֆտալի Բենեթը կիրակի որոշում է ընդունել Էլյալ Խուլատին կառավարության Ազգային անվտանգության հարցերով խորհրդականի և Իսրայելի ազգային անվտանգության խորհրդի ղեկավարի պաշտոնում նշանակելու մասին, հայտնել է վարչապետի գրասենյակը։

«Բենեթն այսօր հայտարարել է Էլյյալ Խուլատի ՝ ազգային անվտանգության հարցերով խորհրդական և ԱԱԾ ղեկավար նշանակելու մասին։ Խուլատը մի շարք ղեկավար և վարչական պաշտոններ է զբաղեցրել «Մոսսադ» գործակալությունում (արտաքին հետախուզություն), այդ թվում ՝ ղեկավարել է ռազմավարական պլանավորման և քաղաքականության բաժինները, ինչպես նաև՝ տեխնոլոգիաների վարչությունը: Այդ պաշտոններում նա պատասխանատու էր ռազմավարական և դիվանագիտական կապերի զարգացման համար, որոնք կենսական նշանակություն ունեն Իսրայելի անվտանգության համար, ինչպես նաև այն տեխնոլոգիական լուծումների մշակման համար, որոնք համապատասխանում են գործակալության պահանջներին լայն ոլորտներում: «Մոսսադ»-ում 23 տարվա աշխատանքի համար Խուլատը արժանացել է անվտանգության ոլորտում Իսրայելի մրցանակին», – ասված է հաղորդագրության մեջ:

Վարչապետի աշխատակազմից ճշտել են, որ նա 45 տարեկան է, ամուսնացած է և ունի երեք երեխա:

Նշանակումը պետք է հաստատվի Իսրայելի կառավարության կողմից:

Հուլիսի 1-ին Իսրայելի ազգային անվտանգության հարցերով գործող խորհրդական և ԱԱԾ ղեկավար Մեիր Բեն Շաբբաթը Բենեթին տեղեկացրել էր, որ պաշտոնաթող է լինում ամռան վերջին: Ինչպես ճշտել է վարչապետի դիվանատունը, Բեն Շաբբաթն այդ պաշտոնում պարտականությունները կկատարի մինչև 2021 թվականի օգոստոսի վերջը:

Բենեթը հունիսի 13-ին երդում է տվել որպես Իսրայելի 13-րդ վարչապետ, իսկ 12 տարի շարունակ Իսրայելի վարչապետի պաշտոնը զբաղեցնող Բենիամին Նեթանյահուն անցել է ընդդիմության շարքերը։