Որևէ մեկի համար գաղտնիք չէ, որ գործող իշխանությունների համար ընդդիմադիր ուժերից հիմնական թիրախ է երկրորդ նախագահ Ռոբերտ Քոչարյանի գլխավորած «Հայաստան» դաշինքը։ Իշխանություններն ամեն բան անում են, որպեսզի թուլացնեն ընդդիմադիր այս ուժին։

Ընտրությունների արդյունքների մասով ՍԴ որոշումը դեռ հայտնի չէ, բայց նախնական հայտնի է, որ ԱԺ-ում «Հայաստան» դաշինքը հանձնաժողովի երեք նախագահ է ունենալու, ընդ որում հանձնաժողովներից մեկը առանցքային ոլորտ է առնչվելու, որը կարող է իրական գլխացավանք դառնալ իշխանությունների համար։ Դաշինքը պետք է ստանա նաև օրենքով սահմանաված մեկ փոխոսնակի պաշտոն։

Իշխանություններ առաջին հերթին փորձում են առանցքային հանձնաժողովներ չտալ դաշինքին, իսկ երկրորդ քայլն այն է, որ փորձում են փոխոխսնակի պաշտոնում ընտրել «Պատիվ ունեմ» դաշինքի ներկայացուցչի։

Այս առաջարկի մասին խոսել է ԱԺ գործող փոխխոսնակ Ալեն Սիմոնյանը․«Ինչ վերաբերում է փոխխոսնակի ընտրությանը, ըստ իս, ընտրությունը պետք է լինի հավասարության սկզբունքը պահելու տրամաբանության մեջ՝ ընդդիմության բոլոր հանձնաժողովների ղեկավարների տեղերը բաժին են հասնում երկրորդ տեղը զբաղեցրած ուժին, իսկ դա նշանակում է, որ, օրինակ, իրավունքի ուժով երրորդ տեղը զբաղեցրած ուժը ԱԺ խորհրդի մեջ ներկայացված է լինելու միայն խմբակցության ղեկավարի միջոցով, այսինքն՝ մեկ հոգով, եւ, ըստ այդմ, կարծում եմ, որ ընդդիմության հավասարությունն ապահովելու նկատառումներից ելնելով՝ ըստ իս, ճիշտ կլինի, որ փոխխոսնակն այս պարագայում լինի «Պատիվ ունեմ» դաշինքից»,-ասել էր նա լրագրողների հետ զրույցում։

Ալեն Սիմոնյանը սա ասում է այն դեպքում, երբ 2018 թվականին իրենք նույն ջանասիրությամբ պնդում էին, որ փոխխոսնակ պետք է ընտրվի ԲՀԿ ներկայացուցիչը, քանի որ իրենք ամենաշատ ձայն ստացած ընդդիամդիր ուժն են։ Այն ժամանակ փոխխոսնակի պաշտոնի համար Մանե Թանդիլյանին առջադրել էր ԼՀԿ-ն, իսկ ԲՀԿ-ն առաջադրել էր Վահե Էնֆիաջյանին։

Հիմա երբ «Հայաստան» դաշինքը հինգ անագավ ավել ձայն է հավաքել, քան «Պատիվ ունեմ» դաշինքը իշխանությունները հիշել են ընդդիմադիր ուժերի հավասարակշռման մասին։ Քաղաքագիտորեն տգետ այս մեկնաբանության նպատակը «Հայաստան« դաշինքին հարվածելն է ու դա անգամ ուղտին անգամ հասկանալի է։ «Պատիվ ունեմ» դաշինքից օրերս հայտարարել են, որ հարցը կքննարկեն «Հայաստան» դաշինքի հետ (հետաքրքիր է, թե այստեղ քննարկելու ինչ կա)։ Այստեղ գնդակը ընդդիմադիր «Պատիվ ունեմ» դաշինքի դաշտում է։ Եթե իրենք ընունեն Ալեն Սիմոնյանի առաջ քաշած օրակարգը, ապա հանրության համար շատ հարցեր իրենց պատասխանները կստանան։

politik.am