Խոսքը մոտ հազար ոստիկանի մասին է. Նիկոլ Փաշինյանն ու Ոստիկանապետը ուժեղացված հսկողությամբ գնում են Տավուշ Վարդավառը տոնելու. «Հրապարակ»
«Հրապարակ» թերթը գրում է. «Ինչպես հայտնի է, Տավուշում Վարդավառը տոնում են ոչ եկեղեցու օրացույցով, այլ հուլիսի 20-ից հետո առաջին կիրակի օրը, որն այս տարի հուլիսի 25-ն է։ Նիկոլ Փաշինյանն ու իր մանկության ընկեր՝ ոստիկանապետ Վահե Ղազարյանը մտադիր են այս տարի էլ հայրենի Տավուշում մասնակցել այդ տոնակատարությանը։
Ոստիկանության մեր աղբյուրներից տեղեկացանք, որ արդեն հրահանգվել է, որ այդ օրը ոստիկանական մեծ խմբեր ուղեկցեն տավուշցի պաշտոնյաներին հայրենի մարզում։ Խոսքը մոտ հազար ոստիկանի մասին է, որոնց զգալի մասը, բնականաբար, կլինի քաղաքացիական հագուստով՝ մասովկան եւ անվտանգությունն ապահովելու համար։
Հիշեցնենք, որ անցած տարի եւս էլիտար տավուշցիները կորոնավիրուսի թեժ սեզոնին Ծիրանիում բազմամարդ խնջույք էին կազմակերպել, ապա տոնական օրը շարունակել Նիկոլ Փաշինյանի մայրական կողմի գյուղում՝ Ենոքավանում, սակայն հետագայում «կռուտիտ» եղան, թե պաշտոնական ընթրիք էին կազմակերպել։ Թե այս տարի ինչպես են պատրաստվում նշել, մեզ չհաջողվեց պարզել»:
Մանրամասն՝ թերթի այսօրվա համարում
