ԱԺ նախագահ Ալեն Սիմոնյանն անդրադարձել է խորհրդարանում լրագրողների տեղաշարժի հնարավոր փոփոխություններին: Ընդդիմադիրների գնահատմամբ՝ փորձ է արվում լրագրողներին զրկել ազատ տեղաշարժվելու հնարավորությունից, Սիմոնյանը մինչդեռ պարզաբանել է՝ խորհրդարանում լրագրողների աշխատանքի համար հատկացվելու է առանձնացված երկու սրահ:

Ապահովվելու են բոլոր պայմանները, որ ԶԼՄ ներկայացուցիչներն ստիպված չլինեն, օրինակ, քայլել պատգամավորի հետևից: Ստեղծվելու է համակարգ, որը կկարգավորի լրագրողների աշխատանքը:

Ինչ վերաբերում է փաստին, որ այսօր ՊՊԾ աշխատակիցները լրագրողներին թույլ չէին տալիս միջանցքների որոշ հատվածներում անցուդարձ անել, Սիմոնյանն ասել է՝ արվում է անվտանգության նկատառումներից և հորդորել դա չանվանել սահմանափակում: