Սեպտեմբերի 29-ին Երևանի ընդհանուր իրավասության դատարանը բավարարել է Ալեն Սիմոնյանի հայցն ընդդեմ «Իրավունք Մեդիա» ՍՊ ընկերության՝ պատվին և արժանապատվությանը պատճառված վնասի հատուցման պահանջի մասին:  Հիշեցնենք, որ 2020 թվականի հունիսի 20-ին iravunk. com կայքը գրել էր «Ի՞նչ նորամուծություն կիրականացնի Նիկոլ Փաշինյանը օգոստոս ամսին» հոդված, որում նշել էր. «օրինակ ԱԺ փոխնախագահ Ալեն Սիմոնյանը հայտարարում է, որ իրենք նվիրյալներ չեն, և առանց պարգևավճարների աշխատելն անտրամաբանական է»:

  «Իրավունք Մեդիա» ՍՊԸ-ն պարտավորվում է հրապարակայնորեն հերքել զրպարտություն որակված տեղեկությունները: Ըստ դատարանի վճռի՝ «Իրավունք Մեդիա» ՍՊԸ-ից հօգուտ Ալեն  Սիմոնյանի բռնագանձել 4.000 ՀՀ դրամ՝ որպես բավարարված հայցի մասով պետական տուրքի նախապես վճարված գումար և «Իրավունք Մեդիա» ՍՊ ընկերությունից հօգուտ Ալեն Սիմոնյանի բռնագանձել 200.000 ՀՀ դրամ՝ որպես փաստաբանի խելամիտ վարձատրության գումար: