Հոկտեմբերի 5-ը աշխարհի 100-ից ավելի երկրում նշվում է որպես ուսուցչի միջազգային օր:

1994թ. ՅՈՒՆԵՍԿՕ–ն հոկտեմբերի 5-ը հայտարարել է որպես ուսուցչի և կրթական ոլորտի բոլոր աշխատողների մասնագիտական տոն։ 1966թ. հենց այս օրը Փարիզում ՅՈՒՆԵՍԿՕ-ի և Աշխատանքի միջազգային կազմակերպության հրավիրած համատեղ կոնֆերանսում ընդունվել է «Ուսուցչի կարգավիճակի հետ կապված ուղեցույց» վերտառությամբ փաստաթուղթը, ինչն էլ ուսուցիչների աշխատանքը կարգավորող առաջին միջազգային փաստաթուղթն էր:

2010թ. սեպտեմբերի 16-ին ՀՀ Ազգային ժողովը միաձայն առաջին ընթերցմամբ ընդունել է «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում լրացում կատարելու մասին օրինագիծը:

Ըստ այդմ` պաշտոնական տոնացույցում հոկտեմբերի 5-ն ամրագրվել է որպես Ուսուցչի օր:

Սիրելի ուսուցիչներ.

Ի սրտե շնորհավորում եմ ձեզ մասնագիտական տոնի՝ ուսուցչի օրվա կապակցությամբ: Մեր պատմության ողջ ընթացքում հայ ժողովուրդը խորին հարգանքով է արտասանում ,,Ուսուցիչ,, բառը, ինչը խոսում է դարեր ի վեր ուսուցչի մասնագիտության հանդեպ մեր ազգի ունեցած անսահման սիրո և հարգանքի մասին:

Դուք ձեր ուսերին եք կրում մեր հայրենիքի պաշտպան հայորդիների կրթության ու դաստիարակության հայրենանվեր գործը, շարունակում եք լավագույն ավանդույթները փոխանցել ձեր սաներին, նրանց հոգիներում արմատավորել ազնիվն ու բարին, ճշմարիտն ու գեղեցիկը:

Սիրելի ուսուցիչներ, կրկին շնորհավորելով ձեզ այս գեղեցիկ օրվա առթիվ, մաղթում եմ քաջառողջություն, երջանկություն և հաջողություն` սերունդ կրթելու Ձեր պատվավոր առաքելության մեջ:

Մ.Դ.