Նոյեմբերի 8-ից ոչ ներգաղթային վիզաներով Միացյալ Նահանգներ մեկնող օտարերկրացիները ինքնաթիռ նստելիս պետք է ներկայացնեն երկրում կամ Առողջապահության համաշխարհային կազմակերպությունում հաստատված դեղամիջոցներով պատվաստման վկայական, «ՌԻԱ Նովոստիի» փոխանցմամբ՝ ասվում է Պետդեպարտամենտի հայտարարության մեջ:

«2021 թվականի նոյեմբերի 8-ից բոլոր ոչ ներգաղթյալները, ոչ քաղաքացիները, որոնք մեկնում են Միացյալ Նահանգներ օդային ճանապարհով, պետք է ամբողջությամբ պատվաստվեն և այդ կարգավիճակի ապացույցը ներկայացնեն Միացյալ Նահանգներում ինքնաթիռ նստելուց առաջ», – ասվում է հայտարարության մեջ:

Նշվում է, որ կանոնը չի տարածվում մինչև 18 տարեկան երեխաների, բժշկական հակացուցումներ ունեցող և մարդասիրական բացառությունների խիստ սահմանափակ շրջանակի վրա։

Լիովին պատվաստված են նրանք, ովքեր վերջին պատվաստումը ստացել են թռիչքից առնվազն երկու շաբաթ առաջ։ Խոսքը վերաբերում է երկու բաղադրիչից հաստատված պատվաստանյութին, նշում է վարչակազմը։