Գորիս-Կապան հատվածում ոստիկաններն իրականացնում են ուղեկցումներ. Արա Ֆիդանյան
Գորիս-Կապան ճանապարհահատվածում նախ անվտանգություն են ապահովում, ապա ուղեկցումներ ենք իրականացնում. հատկապես հիմա եղանակային պայմաններով պայմանավորված աճում է այդ ուղեկցումների թիվը:
Այս մասին նոյեմբերի 1-ին ԱԺ-ում լրագորղների հետ զրույցում ասաց ՀՀ փոխոստիկանապետ Արա Ֆիդանյանը: «Ոչ միայն այդ հատվածում, առհասարակ ունենք խնդիր ոստիկանության ծառայողների թվաքանակի հետ: Այդուհանդերձ, կարողանում ենք այլ ծառայությունների ուժերով կազմակերպել և մինչ օրս որևէ խնդիր չենք ունեցել:
Գիտեք, որ այդտեղ տեղի ունեցան բեռնատարների որոշակի կուտակումներ, բավականին մեծամասշտաբ աշխատանք տարվում է այդ հատվածում»,-ասաց նա:
