Հանրայինի եթերում պատասխանելով լրատվամիջոցների հարցերին, ՀՀ վարչապետ Նիկոլ Փաշինյանն անդրադարձավ ՀՀ նախագահ Արմեն Սարգսյանի հրաժարականի տեքստում տեղ գտած բացատրություններին. «Հրապարակումից 3,5 ժամ առաջ զանգահարել է ինձ, խոսել ենք, ես հարցրեցի՝ ինքը ինձ հետ քննարկո՞ւմ է հարցը, թե արդեն կայացրել է որոշում: Ինքն ասաց, որ արդեն կայացրել է որոշում: Միակ դիտարկումը, որ պետք է ասեմ, Սահմանադրության հետ կապված նախագահի դիրքորոշումները հայտնի են եղել, իմ դիրքորոշումները էականորեն տարբերվում են: Հրաժարականների դրդապատճառների մասին կան որոշակի բացատրութուններ, ես ինքս էլ նրա բացատրություններն ընդամենն ընդունում եմ ի գիտություն և պատեհ չեմ համարում մեկնաբանել»:

«Ես փորձեցի հասկանալ՝ ինքն ինձ հետ քննարկո՞ւմ է հարցը, թե արդեն կայացրել է։ Նա ասաց, որ կայացրել է»,-ասաց Փաշինյանը։