Հայաստանի քաղաքական ղեկավարության կողմից իրականացվող ու տարվող խաղաղության օրակարգի շահառուն Հայստանի ժողովուրդն է, ինչպես նաև՝ Արցախի ժողովուրդը: Այս մասին Աժ ամբիոնից իր ելույթի ժամանակ ասաց ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանը:

Նրա կարծիքով՝ հայկականության հիմնական դրսևորումը թե հայկական համակարգերում, թե Սփյուռքում, չգիտես ինչու, դարձել է թուրքատյացությունը, ադրբեջանատյացությունը:

«Իմ խորը համոզմունքով՝ դա որևէ կապ չունի հայկականության հետ, հայկականությունը լրիվ այլ կոմպլեքս է, դա Հայաստանը ներդրումային գրավիչ երկիր դարձնելու ծրագիր է, հարևան երկրների հետ կայուն ու սպառնալիքների չեզոքացմանն ուղղված հարաբերությունների կառուցում է, հարևանների հետ կայուն խաղաղության ապահովումն է: Հայկականության մեջ պետք է լինի ատելության էլեմենտ, բայց այդ ատելությունը չպետք է ուղղված լինի որևէ ազգի, այդ ատելությունը պետք է ուղղված լինի տգիտությանն ու ծուլությանը, պետք է ուղղված լինի գոռոզությանը, լկտիությանը, մեծամտությանն ու ստրկամտությանը: Մենք պետք է արժևորենք արժանապատվությունը, արդյունավետ աշխատանքը: Թուրք ատելը չպետք է լինի հայկականության դրսևորում», - ասաց Արսենյանը: